一個舒適的生活環境，才能稱得上一個家
今次介紹嘅單位，位於大圍名城，實用面積958呎，裝修用咗4個半月，除咗必定要有嘅儲物空間之外，戶主夫婦亦希望單位明亮開揚，有充足嘅空間感，易要以便為將來小朋友嘅生活時做好準備。設計師以純淨嘅白色為主色，搭配水曲柳木皮同埋紋里深刻嘅進口木地磚，風格佈局帶出柔和寫意。
戶主要求
為迎合戶主設計嘅要求，設計師選用左水曲柳原木色同埋白橡木為主要嘅建材，係白色同埋淺木色嘅配搭之下，塑造出簡約自然嘅氛圍。同時，傢俬擺設恰到好處，空間感唔受阻礙。客飯廳擁有足夠嘅儲物空間，客廳電視牆除咗有基本儲物嘅功能，櫃底亦都設有多個活動式木箱，方便平時擺放雜物，亦都方便日後小朋友擺放玩具嗰陣用。飯廳旁邊原本有個對流窗窗台，為咗增加儲物空間，設計師就將佢改為嵌入式嘅儲物陳列架。
