元朗 | 御豪山莊 | 564呎

戶主要求

為迎合戶主設計嘅要求，設計師選用左水曲柳原木色同埋白橡木為主要嘅建材，係白色同埋淺木色嘅配搭之下，塑造出簡約自然嘅氛圍。同時，傢俬擺設恰到好處，空間感唔受阻礙。客飯廳擁有足夠嘅儲物空間，客廳電視牆除咗有基本儲物嘅功能，櫃底亦都設有多個活動式木箱，方便平時擺放雜物，亦都方便日後小朋友擺放玩具嗰陣用。飯廳旁邊原本有個對流窗窗台，為咗增加儲物空間，設計師就將佢改為嵌入式嘅儲物陳列架。